कळंगुटमध्ये ८ ते १० दुचाकींचे नुकसान

दारूच्या नशेत बंगळुरूतील पर्यटकांची कृत्ये कळंगुट-कांदोळी परिसरात दारूच्या नशेत बंगळुरूतील काही पर्यटकांनी ८ ते १० दुचाकींची तोडफोड केल्याची घटना समोर आली आहे. या प्रकारामुळे स्थानिक नागरिक आणि व्यावसायिकांमध्ये तीव्र नाराजी पसरली असून, गोव्यातील शिस्त आणि पर्यटन प्रतिमेला धक्का लागल्याची भावना व्यक्त करण्यात येत आहे. पोलिसांनी संबंधित पर्यटकांवर कारवाई सुरू केली असून, ही घटना पुन्हा एकदा पर्यटकांच्या वर्तनावर प्रश्नचिन्ह निर्माण करते.