नोएडाच्या महिला पर्यटकाचा अपघात; बांधकामस्थळी सुरक्षाव्यवस्थेचा अभाव कळंगुट सर्कलजवळ टिंटो परिसरात, शांतादुर्गा मंदिरासमोर मंगळवारी एका महिला पर्यटकाची रेंट-अ-कार उघड्या काँक्रीट खड्ड्यात कोसळली. नोएडाहून आलेल्या या पर्यटक दाम्पत्याने गुगल मॅपच्या दिशानिर्देशांनुसार प्रवास करत असताना, वाहनावरील नियंत्रण सुटल्याने कार अपूर्ण रस्त्याच्या कामाच्या भागात कोसळल्याची माहिती मिळाली आहे. सुदैवाने दोघेही सुखरूप बचावले, मात्र कारचे मोठे नुकसान झाले. कळंगुट पोलिसांनी तत्काळ घटनास्थळी धाव घेत क्रेनच्या सहाय्याने कार बाहेर काढली व पर्यटकांना चौकशीसाठी पोलिस ठाण्यात नेले. स्थानिक नागरिकांनी या ठिकाणी कोणतेही बॅरिकेड, इशारा फलक किंवा काम सुरू असल्याची सूचना नसल्याने हे प्रशासनाचे मोठे सुरक्षा अपयश असल्याचा आरोप केला आहे.
Categories
Civic Issues
