गोव्यात व्याघ्र प्रकल्प शक्य नाही – आ. देवीया राणे

“गोव्यात वाघ क्वचितच दिसतो, व्याघ्र अभयारण्य घोषित करणे अव्यवहार्य” – देवीया राणे यांची प्रतिक्रिया “व्याघ्र प्रकल्प घोषित करणे गोव्यासाठी शक्य नाही,” अशी स्पष्ट भूमिका पर्ये आमदार देवीया राणे यांनी व्यक्त केली आहे. राष्ट्रीय व्याघ्र संवर्धन प्राधिकरणाच्या मापदंडानुसार व्याघ्र प्रकल्प जाहीर करण्यासाठी किमान 80 ते 100 स्थायिक वाघ असणे आवश्यक आहे. “परंतु गोव्यात वाघ वर्षानुवर्षांत एकदाच दिसतो. त्यामुळे व्याघ्र प्रकल्प घोषित करणे अव्यवहार्य आहे. ज्यांना व्याघ्र प्रकल्प हवा आहे त्यांनी आमच्या गावात येऊन राहावे आणि परिस्थिती अनुभवावी,” असे आव्हानच आमदार राणे यांनी दिले.