सलग सातव्या दिवशी शेतीची नासधूस; “तज्ञ हत्ती पकडणारे का बोलावले नाहीत?” असा शेतकऱ्यांचा सवाल तांबोसे परिसरातील शेतकऱ्यांचे हाल अखंड सुरूच आहेत. ओंकार हत्तीने सलग सातव्या दिवशी शेतात ठाण मांडत पिकांची नासधूस केली आहे. भीतीमुळे शेतकरी शेतात जाण्यास धजावत नाहीत. वन खात्याचे हंगामी कर्मचारी फटाक्यांच्या आवाजाने हत्तीला हटवण्याचा प्रयत्न करत असले तरी त्याला काही फरक पडत नाही. “अखेर तज्ञ हत्ती पकडणारे अद्याप का आणले गेले नाहीत?” असा संतप्त प्रश्न शेतकऱ्यांनी उपस्थित केला आहे.
Categories
Civic Issues
