बागा आणि हडफडेमध्ये एलईडी बोर्डवर “पाकिस्तान जिंदाबाद”; दुकानमालक पोलिसांच्या ताब्यात

कळंगुट आणि हणजुणे पोलिसांची तत्काळ कारवाई, एफआयआर दाखल बागा आणि अर्पोरा येथील दोन दुकानांवर लावलेल्या एलईडी बोर्डवर “पाकिस्तान जिंदाबाद” असे संदेश झळकल्याने परिसरात खळबळ उडाली आहे. या प्रकाराची दखल घेत कलंगुट आणि अंजुना पोलिसांनी तत्काळ कारवाई करत रेव्हाईव्ह हेअर कटिंग सलून आणि व्हिस्की पेडिया या दोन्ही ठिकाणचे दुकानमालक ताब्यात घेतले. पोलिसांनी संबंधित बोर्ड डिस्कनेक्ट केले असून, कलम 152 सह 61(2) बीएनएस आणि आयटी कायद्याच्या कलम 66C, 66F अंतर्गत गुन्हा दाखल करून चौकशी सुरू केली आहे.