मांडवी नदीवरील नव्या कॅसिनोला प्रोग्रेसिव्ह फ्रंट ऑफ गोव्याचा विरोध

एनजीटीच्या निर्देशानुसार ‘रिव्हर कॅरिंग कॅपॅसिटी स्टडी’ नसल्याचा आरोप; परवानगी रद्द करण्याची मागणी Progressive Front of Goa ने Mandovi River वर नव्याने मंजूर करण्यात आलेल्या कॅसिनोला तीव्र विरोध दर्शविला आहे. राष्ट्रीय हरित प्राधिकरणाच्या निर्देशानुसार आवश्यक असलेली ‘रिव्हर कॅरिंग कॅपॅसिटी स्टडी’ पूर्ण झालेली नसताना परवानगी देण्यात आल्याचा आरोप संघटनेने केला आहे.संघटनेने नव्या कॅसिनोची परवानगी तात्काळ रद्द करावी, विद्यमान कॅसिनोंना दिलेली मुदतवाढ मागे घ्यावी आणि सर्व पर्यावरणीय नियमांचे पूर्ण पालन होईपर्यंत कॅसिनोचे कामकाज स्थगित करावे, अशी मागणी केली आहे. पर्यावरण आणि नदी परिसंस्थेचे संरक्षण हे प्राधान्य असावे, असेही संघटनेने स्पष्ट केले आहे.