सावर्डे ग्रामपंचायतीत मोठ्या घोटाळ्याचा काँग्रेसचा आरोप

ग्रामपंचायतीतील अनियमिततेची सखोल चौकशी व कायदेशीर कारवाईची मागणी — संकेत भंडारी सावर्डे ग्रामपंचायतीत मोठ्या आर्थिक घोटाळ्याचा आरोप काँग्रेस पक्षाचे सावर्डे मतदारसंघाचे गटाध्यक्ष संकेत भंडारी यांनी केला आहे. त्यांनी या प्रकरणाची सखोल चौकशी करण्याची मागणी करत, संबंधितांवर कायदेशीर तक्रार दाखल करण्याचा इशारा दिला. भंडारी यांनी सांगितले की, ग्रामपंचायतीच्या कामकाजात मोठ्या प्रमाणात अनियमितता झाल्याचा संशय असून, जनतेच्या पैशांचा अपव्यय झाल्याचे दिसून येत आहे.