INS हंसामध्ये INAS 335 ‘ऑस्प्रेज’ स्क्वॉड्रन कार्यान्वित

MH-60R हेलिकॉप्टर स्क्वॉड्रनमुळे भारतीय नौदलाच्या सागरी हवाई क्षमतेला मोठे बळ भारतीय नौदलाच्या आधुनिकीकरण प्रक्रियेत आणखी एक महत्त्वाचा टप्पा गाठण्यात आला असून, दुसऱ्या MH-60R हेलिकॉप्टर स्क्वॉड्रन INAS 335 ‘ऑस्प्रेज’चे १७ डिसेंबर रोजी गोव्यातील INS हंसा येथे औपचारिक कमिशनिंग करण्यात आले. या सोहळ्यास नौदल प्रमुख अ‍ॅडमिरल दिनेश के. त्रिपाठी यांच्यासह अनेक वरिष्ठ नौदल अधिकारी उपस्थित होते. अत्याधुनिक सेन्सर्स, प्रगत अव्हियोनिक्स आणि प्रभावी शस्त्रसज्जतेने सुसज्ज असलेली MH-60R हेलिकॉप्टर्स अँटी-सबमरीन वॉरफेअर, सागरी हल्ले, पृष्ठभाग व हवाई देखरेख, लॉजिस्टिक सहाय्य तसेच शोध व बचाव मोहिमांसाठी सक्षम आहेत. INAS 335 च्या समावेशामुळे पश्चिम किनाऱ्यावरील नौदलाची ऑपरेशनल क्षमता वाढली असून, देशाच्या सागरी सुरक्षेला मोठे बळ मिळाले आहे.