‘ट्रान्सेंड गोवा 2026’चे पणजीत उद्घाटन

संस्कृती, तंत्रज्ञान आणि सर्जनशीलतेचा संगम एंटरटेनमेंट सोसायटी ऑफ गोवा पणजी येथे ‘ट्रान्सेंड गोवा 2026’ या बहुआयामी उपक्रमाचे उद्घाटन करण्यात आले. संस्कृती, तंत्रज्ञान आणि सर्जनशीलता यांना एकत्र आणणाऱ्या या व्यासपीठाचे उद्घाटन करताना मुख्यमंत्री यांनी समाधान व्यक्त केले. यावेळी आमदार व ESGच्या उपाध्यक्ष दिलायला लोबो तसेच अनेक मान्यवर उपस्थित होते. या कार्यक्रमात विद्यार्थी व युवा सर्जनशील कलाकारांचा मोठ्या प्रमाणावर सहभाग पाहून समाधान व्यक्त करण्यात आले. अ‍ॅनिमेशन, गेमिंग, डिझाइन, संगीत आणि डिजिटल कंटेंट या क्षेत्रातील वाढती प्रतिभा गोव्याला भारताच्या सर्जनशील व डिजिटल विकासात मोलाचे योगदान देण्यास सक्षम करेल, असा विश्वास मुख्यमंत्र्यांनी व्यक्त केला. गोवा भविष्यासाठी सज्ज अशा सांस्कृतिक आणि सर्जनशील अर्थव्यवस्थेकडे ठामपणे वाटचाल करत असल्याचे त्यांनी यावेळी नमूद केले.