म्हापसा KTC बसस्थानकाजवळ तेलाच्या दुकानाला आग

अग्निशमन दलाने वेळीच आग आटोक्यात आणली; कोणतीही जीवितहानी नाही म्हापसा येथील KTC बसस्थानकासमोर ब्रागांझा इमारतीजवळ असलेल्या एका तेलाच्या दुकानाला बुधवारी सायंकाळी अचानक आग लागली. घटनेची माहिती मिळताच मापसा अग्निशमन व आपत्कालीन सेवा तात्काळ घटनास्थळी दाखल झाली. अग्निशमन कर्मचाऱ्यांनी तत्परतेने कारवाई करत आग आटोक्यात आणली. या घटनेत कोणतीही जीवितहानी किंवा जखमी झाल्याचे वृत्त नाही. आग लागण्याचे नेमके कारण अद्याप स्पष्ट झाले नसून पुढील तपास सुरू आहे.