बॉम्ब अफवेमुळे पासपोर्ट अर्जदारांची गैरसोय

तपासणीदरम्यान कामकाज ठप्प; सुरक्षा तपासणीनंतर प्रवेशास सुरुवात Panaji येथील पासपोर्ट भवनाला आलेल्या बॉम्ब धमकीच्या ई-मेलनंतर परिसरात व्यापक तपासणी करण्यात आल्यामुळे पासपोर्टसंदर्भातील कामासाठी अपॉइंटमेंट घेतलेल्या अनेक अर्जदारांची गैरसोय झाली. तपासणी पूर्ण होईपर्यंत कामकाज तात्पुरते थांबविण्यात आले होते. आता परिस्थिती सुरळीत होत असून प्रवेशद्वारावर कडक सुरक्षा तपासणी करूनच नागरिकांना आत सोडले जात आहे.