कुडचडेतील तारकर जेटीची पाहणी रद्द

अधिकारी व अभियंत्यांना गेटबाहेरच रोखले; कायदा-सुव्यवस्थेच्या भीतीने निर्णय कुडचडे येथील तारकर कंपनीच्या जेटीची पाहणी करण्यासाठी गेलेल्या स्थानिकांसह नगरपालिका अभियंत्यांना गेटबाहेरच थांबावे लागल्याची घटना समोर आली आहे. परिस्थिती तणावपूर्ण होत असल्याने कायदा व सुव्यवस्थेचा प्रश्न निर्माण होण्याची शक्यता लक्षात घेऊन उप-जिल्हाधिकाऱ्यांनी अखेर पाहणी रद्द करण्याचा निर्णय घेतला. या घटनेमुळे स्थानिकांमध्ये नाराजी व्यक्त होत असून प्रकरणावर स्पष्टता देण्याची मागणी करण्यात येत आहे.