म्हापसा-आकई येथे मंदिर वादातून हिंसाचार

ट्रस्ट स्थापनेच्या वादावरून दोन गट आमनेसामने म्हापसा-अकई येथील श्री सिमेश्वर राष्ट्रोळी ब्राह्मण साती देव ग्रामस्थ देवस्थानात ट्रस्टच्या वैधतेवरून सुरू असलेला वाद हिंसक वळणावर गेला आहे. गेल्या दोन वर्षांपासून सुरू असलेल्या या वादात दोन गटांनी मंदिरावर अधिकार असल्याचा दावा केला आहे. दरम्यान, एका गटाने मंदिर परिसरात सीसीटीव्ही कॅमेरे बसवण्याचा प्रयत्न केल्याने दुसऱ्या गटाने आक्षेप घेतला आणि दोन्ही बाजूंमध्ये जोरदार वाद झाला. हा वाद हिंसाचारात परिवर्तित होऊन तीन महिलांसह दोन पुरुष जखमी झाले आहेत. दोन्ही गटांकडून एकमेकांवर आरोप-प्रत्यारोप सुरू असून तणाव अधिक वाढला आहे.