खनिज क्षेत्रातील कामगिरीत गोवा अव्वल – राज्य खनन सज्जता निर्देशांकात ‘टॉप परफॉर्मर’ स्थान

पारदर्शकता, शाश्वत विकास आणि ‘ईझ ऑफ डुइंग बिझनेस’ या तत्त्वांवर गोव्याच्या खनिज क्षेत्राची देशव्यापी दखल भारत सरकारच्या खाण मंत्रालयाने जाहीर केलेल्या राज्य खनन सज्जता निर्देशांक (State Mining Readiness Index) आणि राज्य क्रमवारी (Category ‘B’ States) मध्ये गोव्याने ‘टॉप परफॉर्मर’ म्हणून स्थान पटकावले आहे. या यशाबद्दल मुख्यमंत्री डॉ. प्रमोद सावंत यांनी अभिमान व्यक्त करत म्हटलं की, “गोव्याने नेहमीच पारदर्शकता, शाश्वतता आणि सुलभ व्यवसाय वातावरणावर भर दिला आहे. अलीकडच्या काळात आम्ही खनिज ब्लॉक्सची पारदर्शक लिलाव प्रक्रिया पूर्ण केली असून, त्यामुळे या क्षेत्राला पुनरुज्जीवनाची दिशा मिळाली आहे.” मुख्यमंत्र्यांनी पुढे सांगितले की, “लॉजिस्टिक आव्हानांवर मात करत कार्यक्षमता वाढविण्याचे प्रयत्न सुरू आहेत. आमचं सरकार जबाबदारीनं खनिज क्षेत्राचा विकास साधत रोजगार, मूल्यनिर्मिती आणि दीर्घकालीन समृद्धी साध्य करण्यास कटिबद्ध आहे.”