अन्नाच्या शोधात माकडांचे शहराकडे वळणे सुरू

म्हापसा शहरात माकडांचा मोर्चा; नागरिकांची चिंता वाढली म्हापसा शहरात गेल्या काही दिवसांपासून माकडांच्या वावरात वाढ झाली असून, नागरिकांमध्ये भीती आणि चिंता निर्माण झाली आहे. सकाळी व संध्याकाळी माकडांचे टोळके घरांच्या छपरांवर, बाजारपेठांमध्ये आणि सार्वजनिक ठिकाणी फिरताना दिसत आहेत. पर्यावरणातील बदल आणि वाढत्या शहरीकरणामुळे वन्यजीवांचा निवास कमी होत चालल्याने हे माकड शहरात अन्नाच्या शोधात येत असल्याचे स्थानिकांनी सांगितले. नागरिकांनी संबंधित विभागाने तातडीने उपाययोजना कराव्यात, अशी मागणी केली आहे.