गोव्यात दहावीच्या SSC परीक्षांना सुरुवात

१३ मार्च ते ९ एप्रिलपर्यंत परीक्षा; राज्यभरात ३२ परीक्षा केंद्रांची व्यवस्था गोव्यातील इयत्ता दहावीच्या माध्यमिक शाळा प्रमाणपत्र म्हणजेच SSC परीक्षांना आज, १३ मार्चपासून सुरुवात झाली आहे. या परीक्षा ९ एप्रिलपर्यंत चालणार असून राज्यभरात एकूण ३२ परीक्षा केंद्रांची व्यवस्था करण्यात आली आहे. दररोज सकाळी ९.३० वाजता परीक्षा सुरू होणार असून विद्यार्थ्यांनी सकाळी ९ वाजेपर्यंत आपल्या संबंधित परीक्षा केंद्रावर पोहोचून वेळेआधी आसनस्थ राहावे, असे बोर्डाने स्पष्ट केले आहे. सर्व परीक्षा केंद्रांसाठीची आसन व्यवस्था बोर्डाच्या अधिकृत संकेतस्थळावर उपलब्ध करून देण्यात आली आहे.