तुये येथील ‘आत्मविश्वास विद्यालय’च्या विशेष विद्यार्थ्यांकडून दिवाळीच्या आकाशकंदिल, पणतींचे प्रदर्शन

पेडणे बसस्थानकात विद्यार्थ्यांनी तयार केलेल्या वस्तूंची विक्री; प्रमुख पाहुणे म्हणून उपजिल्हाधिकारी शिवप्रसाद नाईक उपस्थित तुये येथील विशेष मुलांचे ‘आत्मविश्वास विद्यालय’ या शाळेमार्फत दिवाळीच्या निमित्ताने विद्यार्थ्यांनी बनविलेल्या आकाशकंदिल, पणत्या आणि फुलांचे सुंदर प्रदर्शन व विक्री पेडणे बसस्थानकावर आयोजित करण्यात आले आहे . या कार्यक्रमाला प्रमुख पाहुणे म्हणून पेडणेचे उपजिल्हाधिकारी शिवप्रसाद नाईक उपस्थित होते. तसेच वीज अभियंते वाटू सावंत, संयुक्त मामलेदार प्रविण गावस, ‘नव चेतना युवक संघ’ अध्यक्ष कृष्णा पालयेकर आणि इतर मान्यवर उपस्थित होते. या उपक्रमाद्वारे विद्यार्थ्यांच्या कलागुणांना प्रोत्साहन देण्याचा प्रयत्न करण्यात आला.