पर्यटक वाहन चालकाने स्कूटरला धडक; शिवोली येथील युवक गंभीर जखमी

सकाळी दुसऱ्या अपघातात सहभागी झालेल्या मित्राला मदत करण्यासाठी दोषी गेला होता पोलिस ठाण्यात सोमवारी असगाव येथे झालेल्या मोठ्या अपघातात शिवोली येथील एक स्कूटरस्वार गंभीर जखमी झाला आहे. मिळालेल्या माहितीनुसार, एका पर्यटकाच्या ताब्यातील फॉर्च्युनर गाडीने स्कूटरला जोरदार धडक दिली. स्थानिकांनी तत्काळ घटनास्थळी धाव घेत जखमीला उपचारासाठी रुग्णालयात हलविले. दरम्यान, पर्यटक चालकाला हणजुणे पोलिस ठाण्यात आणण्यात आले. विशेष म्हणजे, तो सकाळीच आपल्या मित्राला मदत करण्यासाठी पोलिस ठाण्यात गेला होता, ज्याने दुसऱ्या एका अपघातात रेंट-अ-कार स्कूटरला धडक दिली होती . पोलिसांनी दोन्ही अपघातांची चौकशी सुरू केली असून वाहन बेफिकिरीने चालविण्यात आले होते का, याचीही तपासणी सुरू आहे.