मिरामार–करंजाळे समुद्रकिनारी दुर्मिळ पक्ष्याचे दर्शन

काळ्या मानेच्या करकोच्यामुळे पक्षीप्रेमी व निसर्ग अभ्यासकांमध्ये उत्सुकता ANCHOR – मिरामार–करंजाळे समुद्रकिनारी एका दुर्मिळ पक्ष्याचे दर्शन झाले असून, या घटनेने पक्षीप्रेमी आणि निसर्ग अभ्यासकांचे लक्ष वेधले आहे.१८ डिसेंबर रोजी टिपलेल्या छायाचित्रात दिसणारा हा पक्षी ब्लॅक नेक्ड स्टॉर्क, म्हणजेच काळ्या मानेचा करकोचा असल्याची ओळख पटली आहे.चला पाहूया सविस्तर वृत्त… VO १८ डिसेंबर रोजी गोव्याच्या मिरामार–करंजाळे समुद्रकिनारी दिसलेला हा पक्षी म्हणजे ब्लॅक नेक्ड स्टॉर्क.हा पक्षी भारतातील सर्वात उंच आणि दुर्मिळ जलचर पक्ष्यांपैकी एक मानला जातो. जरी हा पक्षी भारतात मूळचा असला, तरी गोव्यातील समुद्रकिनाऱ्यावर त्याचे दर्शन होणे अत्यंत दुर्मिळ आहे.सामान्यतः हा पक्षी आतील गोड्या पाण्याच्या तलावांमध्ये, नद्यांच्या काठावर, खारफुटीच्या प्रदेशात आणि दलदलीत आढळतो. त्यामुळे नागरी व वर्दळीच्या समुद्रकिनाऱ्यावर त्याची उपस्थिती विशेष मानली जात आहे.तज्ज्ञांच्या मते, अन्नसाखळीतील बदल, अधिवासातील बदल किंवा पर्यावरणीय कारणांमुळे हा पक्षी तात्पुरता या भागात आलेला असू शकतो.काळे पंख, पांढरी मान, लांब गुलाबी पाय आणि मोठी सरळ चोच ही या पक्ष्याची ठळक ओळख आहे. आकारामुळे अनेकदा याची बगळ्याशी गल्लत केली जाते. SIGN-OFF ‘नियर थ्रेटन्ड’ म्हणजेच नामशेष होण्याच्या मार्गावर असलेला हा पक्षी,गोव्याच्या किनारी आणि ओलसर परिसंस्थेचे महत्त्व अधोरेखित करणारा निर्देशक मानला जातो.अशा दुर्मिळ पक्ष्यांचे दर्शन म्हणजे निसर्गाची देणगी असून,पर्यावरण संवर्धनाची जबाबदारी आपल्यावर अधिक वाढते, हेच या घटनेतून स्पष्ट होते.