वादळातही दाखवले धैर्य!

दुष्टी जलरक्षकांनी खवळलेल्या समुद्रात अडकलेल्या ४२ जणांचे वाचवले प्राण वादळी हवामान आणि खवळलेल्या लाटांमध्येही दुष्टी जलरक्षकांनी दाखवलेले धैर्य पुन्हा एकदा सिद्ध झाले. अग्वाद उपसागरात गुरुवारी सायंकाळी खडकांमध्ये अडकलेल्या क्रूझ बोटवरील ४२ जणांचा बचाव करून सुरक्षित किनाऱ्यावर आणण्यात आले. वादळी वारे आणि प्रचंड लाटांमुळे ही मोहीम आव्हानात्मक ठरली. १२ जलरक्षकांच्या पथकाने Rigid Inflatable Boat (RIB) आणि जेटस्कींच्या मदतीने प्रथम क्रूझ बोटपर्यंत पोहोचून सर्व ३८ प्रवाशांना सुरक्षित किनाऱ्यावर आणले. त्यानंतर जवळच खडकांमध्ये अडकलेल्या एका डिंगीवरील ४ जणांना देखील वाचवण्यात आले. दोन्ही मोहिमा अंधारात आणि प्रतिकूल परिस्थितीत जलद गतीने पार पडल्या. या बचावकार्यात अग्वाद तुरुंग व बंदर कर्मचाऱ्यांनी दिवे, दोऱ्या आणि इतर साहित्य पुरवून जलरक्षकांना मदत केली. या धाडसी मोहिमेत अकाश फुलकर, प्रताप नाईक, महेश चालवडी, लक्ष्मीकांत कोमटेकर, रामाकांत काणकोणकर, मंगेश गावस, अमित महाले, उमेश माडेकर, गौरव गावडे, अजय सिंह, कार्तिक नाईक आणि हेमंत बसेरा या जलरक्षकांचा सहभाग होता. या दुहेरी बचावमोहीमेत दृष्टी मरीन टीमने दाखवलेली तत्परता आणि व्यावसायिकता ही गोव्याच्या किनारी सुरक्षेतील त्यांची निष्ठा आणि तयारी अधोरेखित करणारी ठरली.