साळगावमध्ये कचरा प्रक्रिया प्रकल्पाविरोधात ग्रामस्थांचा संताप

दुर्गंधी व आरोग्य समस्यांचा त्रास; संपूर्ण गोव्याचा कचरा हाताळला जात असल्याचा आरोप साळगाव येथील कचरा प्रक्रिया प्रकल्पाच्या परिसरात वाढत्या दुर्गंधी व आरोग्यविषयक समस्यांमुळे ग्रामस्थांनी तीव्र संताप व्यक्त केला आहे. कार्यकर्त्यांच्या म्हणण्यानुसार, हा प्रकल्प केवळ स्थानिक कचऱ्यासाठी उभारण्यात आला होता; मात्र आता संपूर्ण गोव्यातील कचरा येथे आणला जात असून, यामुळे पूर्वी दिलेल्या आश्वासनांचे उल्लंघन होत आहे. ग्रामस्थांनी राज्यभर कचरा प्रक्रिया प्रकल्पांचे न्याय्य वाटप करण्याची मागणी करत, स्वच्छ व निरोगी पर्यावरणाचा हक्क आम्हाला हवा, अशी ठाम भूमिका घेतली आहे.