मोरजीतील सरकारी प्राथमिक विद्यालयात ‘बाजार डे’

पालक-शिक्षक-विद्यार्थी संघाचा उपक्रम; मोरजी येथील सरकारी प्राथमिक विद्यालयात पालक-शिक्षक-विद्यार्थी संघाच्या वतीने ‘बाजार डे’चे आयोजन करण्यात आले. या उपक्रमाचे उद्घाटन माजी सरपंच तथा विद्यमान पंच मुकेश गडेकर यांच्या हस्ते करण्यात आले. विद्यार्थ्यांमध्ये व्यवहारज्ञान, सर्जनशीलता व आत्मविश्वास वाढवण्याच्या उद्देशाने आयोजित या ‘बाजार डे’मध्ये विद्यार्थ्यांनी विविध वस्तूंची मांडणी व विक्री करत उत्स्फूर्त सहभाग नोंदवला.