गोव्यात अवकाळी पावसाचा तडाखा

हवामान खात्याचा हलक्या पावसाचा अंदाज; मात्र प्रत्यक्षात जोरदार सरी गोव्यात अवकाळी पावसाने जोरदार हजेरी लावत साखळी परिसरातील नागरिकांना अनपेक्षित धक्का दिला. हवामान खात्याने हलका पाऊस, मेघगर्जना आणि वाऱ्याच्या वेगाचा अंदाज वर्तवला होता. मात्र प्रत्यक्षात अपेक्षेपेक्षा अधिक जोरदार सरी कोसळल्याने नागरिकांच्या दैनंदिन कामकाजावर परिणाम झाला. अचानक बदललेल्या हवामानामुळे संभ्रमाचे वातावरण निर्माण झाले असून पुढील काही दिवसांतही अशा सरींची शक्यता व्यक्त केली जात आहे.