धारबांदोड्यात रस्त्यावर कचऱ्याचे साम्राज्य; दुर्गंधीने नागरिक त्रस्त

रस्त्यालगत कचरा टाकण्याच्या प्रकारात वाढ; आरोग्य विभाग व पंचायतीकडे तातडीने कारवाईची मागणी धारबांदोडा पंचायत क्षेत्रात रस्त्यालगत मोठ्या प्रमाणात कचरा टाकला जात असून, परिसरातील नागरिकांना दुर्गंधी आणि त्रास सहन करावा लागत आहे. प्रवासी येथे ओला व सुक्या कचऱ्याच्या पिशव्या फेकत असल्याने कुत्रे, जनावरे तसेच माश्याचा उपद्रव वाढला आहे. स्थानिक सूरज गारद यांनी पंचायत आणि संबंधित अधिकाऱ्यांनी या समस्येकडे तातडीने लक्ष द्यावे, अशी मागणी केली.