कचरा समस्येकडे वारंवार केलेल्या तक्रारींकडे दुर्लक्ष; महिलांचे स्वच्छता आंदोलन चर्चेत

कुचेलीमध्ये महिलांचा संताप उफाळला;प्रशासनाला धडा शिकवत स्वतःच घेतली झाडू हातात म्हापसा कुचेली येथील वडेश्वर नगर परिसरातील महिलांचा संयम अखेर तुटला. वडेश्वर मंदिराजवळ साचणाऱ्या कचऱ्याबाबत अनेक वेळा तक्रारी करूनही प्रशासनाकडून कोणतीही कारवाई न झाल्याने संतप्त महिलांनी झाडू हातात घेत परिसराची स्वच्छता मोहीम राबवली. मंदिराच्या पवित्र परिसराला बाधा आणणारी ही कचरा समस्या पर्यावरणासह धार्मिक भावनाही दुखावणारी असल्याचे स्थानिकांचे मत आहे. तात्काळ कारवाई न झाल्यास कायदेशीर पर्यायांचा अवलंब करू, असा इशाराही महिलांनी दिला