निधी अपहार व निकृष्ट कामाच्या तक्रारीच्या पार्श्वभूमीवर तपासणी; अहवालानुसार पुढील कारवाई होणार गोवा सरकारच्या दक्षता संचालनालयाच्या अधिकाऱ्यांनी हळदोणे येथील कालवी पुलाची पाहणी केली. ही पाहणी दक्षता चौकशीअंतर्गत नियोजित वेळापत्रकानुसार करण्यात आली.ही कारवाई देविदास गोपीनाथ पणजीकर यांनी 29 ऑक्टोबर 2024 रोजी दाखल केलेल्या तक्रारीच्या आधारे करण्यात आली असून, त्यांनी निधीचा अपहार, पूर्णता प्रमाणपत्राशिवाय केलेली देयकांची मंजुरी आणि निकृष्ट दर्जाचे काम याबाबत गंभीर आरोप केले होते.या पाहणीदरम्यान सार्वजनिक बांधकाम खाते ,तसेच दक्षता संचालनालयाचे अधिकारी उपस्थित होते. टीमने पुलाची रचना व आजूबाजूच्या कामांची सखोल पाहणी करून तक्रारीतील आरोपांची पडताळणी केली. अहवालानुसार पुढील कारवाई करण्यात येणार आहे.
Categories
Civic Issues
