मळा तलावात मृत माशांचा मोठा खच

एका रात्रीत मृत मासे तरंगताना दिसले; 2011 च्या घटनेची आठवण पणजी येथील मळा तलावात अचानक मोठ्या प्रमाणात मासे मृत अवस्थेत आढळल्याने परिसरात खळबळ उडाली आहे. स्थानिकांच्या म्हणण्यानुसार, काल रात्री मासेमारी सुरू होती, मात्र सकाळी तलावात अनेक मासे मृत अवस्थेत पाण्यावर तरंगताना दिसले. या घटनेमुळे गंभीर पर्यावरणीय चिंता व्यक्त होत असून, 2011 मधील अशाच घटनेची आठवण होत आहे. या प्रकरणाची तातडीने चौकशी करण्याची मागणी होत आहे.