तांबोसे ग्रामस्थांकडून सैनिकांना प्रेमाची दिवाळी भेट

‘अनाम प्रेम संस्था’च्या माध्यमातून 2000 पेक्षा अधिक घरगुती फराळाचे बॉक्स सीमावरील जवानांकडे रवाना “आपण निर्धास्त झोपू शकतो, कारण ते जागे राहतात,” या भावनेतून पेडणे तालुक्यातील तांबोसे गावातील ग्रामस्थांनी यंदाच्या दिवाळीत अनोखी परंपरा जोपासली आहे. ‘अनाम प्रेम संस्था’च्या पुढाकाराने गावकऱ्यांनी एकत्र येऊन 2000 हून अधिक घरगुती फराळाचे डबे — चकली, लाडू, चिवडा यांसारख्या पदार्थांनी भरलेले — प्रेम आणि कृतज्ञतेने सीमावरील सैनिकांना पाठवले आहेत. या उपक्रमातून दिवाळीचा प्रकाश देशाच्या सीमांपलीकडे पोहोचवण्याचा सुंदर प्रयत्न करण्यात आला आहे.