शिरगाव जत्रेसाठी कडेकोट सुरक्षा व्यवस्था; ९२ सीसीटीव्ही कॅमेरे

भाविक व धोंडांसाठी स्वतंत्र रांगा; सुरळीत गर्दी व्यवस्थापनासाठी कठोर नियमावली शिरगाव येथील प्रसिद्ध लैराई जत्रेसाठी यंदा सुरक्षा आणि गर्दी व्यवस्थापनावर विशेष भर देत व्यापक तयारी करण्यात आली आहे. दिनानाथ गावंकर यांनी दिलेल्या माहितीनुसार, जत्रेवर लक्ष ठेवण्यासाठी सुमारे १५ लाख रुपये खर्चून ९२ सीसीटीव्ही कॅमेरे बसवण्यात आले आहेत. भाविक आणि धोंडांसाठी स्वतंत्र दोन रांगांची व्यवस्था करण्यात आली असून, मंदिरापासून तळीपर्यंत कोणत्याही स्टॉल्सना परवानगी देण्यात येणार नाही, फक्त नऊ परवानाधारक दुकानेच सुरू राहतील. तसेच लिंबूपाणी, चहा आणि अल्पोपहाराची सोय करण्यात आली असून, सुमारे १०० स्वयंसेवक पोलिसांच्या समन्वयाने मोठ्या संख्येने येणाऱ्या भाविकांच्या व्यवस्थापनासाठी तैनात राहणार आहेत.