सांकवाळ सरपंच व उपसरपंच पदच्युत

विशेष बैठकीत सत्ता बदल स्पष्ट; नव्या नेतृत्वासाठी निवडणुकीची मागणी सांकॉले ग्रामपंचायतीत मोठा राजकीय बदल घडला असून सरपंच अनुशा लमाणी आणि उपसरपंच डेरिक यांना पदावरून हटवण्यात आले आहे. विशेष बैठकीत ११ पैकी ७ सदस्यांनी बहुमत सिद्ध करत नेतृत्वावरील अविश्वास स्पष्ट केला. संबंधित दोन्ही पदाधिकारी आणि आणखी दोन सदस्य बैठकीला अनुपस्थित होते. बहुमत गटाने आता तातडीने नव्या नेतृत्वासाठी निवडणुका घेण्याची मागणी केली असून, अविश्वास प्रस्ताव सुरळीत पार पडल्याबद्दल मुख्यमंत्री प्रमोद सावंत आणि मंत्री माविन गोडिन्हो यांचे आभार मानले आहेत.