खामामोळ जेट्टी वाद; नियोजित पाहणी रद्द, नव्या तपासणीचे आश्वासन

प्रवेश नाकारल्याचा रहिवाशांचा आरोप; १५ दिवसांत पुन्हा पाहणी होणार खामामोळ जेट्टी प्रकरणावरून स्थानिक रहिवाशांनी कुडचडे काकोडा नगरपरिषदेच्या मुख्याधिकाऱ्यांसोबत झालेल्या बैठकीत तीव्र नाराजी व्यक्त केली. तारकर जेट्टीची नियोजित पाहणी पार पडली नसल्याने प्रश्न निर्माण झाला आहे. स्थानिकांच्या मते, पाहणीदरम्यान ना माध्यम प्रतिनिधींना ना तक्रारदारांना प्रवेश देण्यात आला, तसेच संबंधित कंपनीने गेट उघडले नसल्याने पाहणी अडथळली. या पार्श्वभूमीवर मुख्याधिकाऱ्यांनी पुढील १५ दिवसांत नव्याने पाहणी करण्यात येईल, तसेच त्याबाबत अधिकृत नोटीस लवकरच जारी करण्यात येईल, असे आश्वासन दिले आहे.