दूषित पाण्याचा वाद चिघळला; ‘क्लीन चिट’वर प्रश्नचिन्ह

खासदार विरियातो फर्नांडिस यांची चौकशीची मागणी; विभागांच्या अपयशावर टीका पिण्याच्या पाण्याच्या कथित दूषिततेच्या मुद्द्यावरून वाद अधिकच तीव्र झाला असून, दक्षिण गोव्याचे खासदार विरियातो फर्नांडिस यांनी गंभीर प्रश्न उपस्थित केले आहेत. सार्वजनिक बांधकाम विभागाच्या ‘क्लीन चिट’वर सवाल उपस्थित करत त्यांनी विचारले की, बोअरवेलचे पाणी पिण्याच्या पाण्यात मिसळत असल्याची देखरेख नेमकी कोण करत आहे. फर्नांडिस यांनी संबंधित विभागांवर “पूर्ण अपयश” आल्याची टीका करत सखोल चौकशीची मागणी केली आहे. तसेच प्रभू बिल्डर्सकडून संबंधित विभागांनी किती आर्थिक व्यवहार केले असावेत, याचाही तपास करण्याची मागणी त्यांनी केली आहे.